Oqaluttualiami nunatsinneersumi niviarsiaqqap nukkani ikiuukkumaneq ajortoq anusinngorsarniarlugu naggueqatigiit Inuit oqaluttuatoqaataannik Takannaalummik oqaluttuarfigaa.
Pivik niviarsiaraavoq eqiasulluinnartoq!
Arni ikirusunneq ajorpaa nerisassallu mamarinerpaasani kisimi perusuttarlugit. Angajua qatsussilluinnarsimasoq nukkaminik anusinngorsaassalluni periarfissaqalerpoq, nukkilu Takannaaluup qanoq ililluni Sassuma Arnanngorsimaneranik oqaluttuullugu. Ukallip Pivik mianersoqquaa inuit imminuinnaq eqqarsaatigisut, tassa namminissarsiortut. Takannaaluk kamatsittarmassuk kaannersuaqalersitsisarlutik. Pivik oqaluttuunneqarnermi kingorna ersinermik sininngitsuujusavippoq! Ukalimuna nukkaminik anusinngorsaanera iluatsissimanersoq?