Juullingajaliivippoq. Rasmus Klumpikkullu juullimut piareersaallutik ulappupput. Klumpip anaanaata paasivaa qaqorteqqasuutaarussimallutik, taammaammat Rasmus Klumpi ikinngutinilu illoqarfimmut qaninnermut amigaatiminnik pisiniarput.
Uterneranni sila nittaalerpoq, pujortuleeraallu Mary qeqertaaqqamut inoqanngitsumut majorappoq! Klumpi ikinngutaalu tassani juullisiuinnassanerlutik?