Kalaallit Nunaanni inuussutissaativut ukiup qanoq ilineranik malinnittuupput, - upernaakkut nipisat suallit, aasalernerani ammassat, aasami eqaluit, aasami naatsukullammi naasorpassuit naasartut, aasap naalernerani paarnat assigiinngitsut, timmissat ukioq naangajallugu (aasaq manniliorfiat minillugu), ukiakkut tuttut umimmaallu, puisit arferillu ukioq naallugu il.il. Taamaattumik nunap pissarititai malinnaaffigalugit ukiup sinnissaanut atugassanik piffissaagallartillugu katersinissaq eqqumaffigisariaqartarpoq. Iganermut najoqqutassiami matumani Kalaalit Nunaanni inuussutissat atorluarneqarnissaannut periutsit nutaat mamarluartullu isumassariorfigineqarsinnaasut Tupaarnaq Rosing Olsenip ingerlateqqippai. Maani Kalaallit Nunaanni inuussutissanik pitsaanerpaanik peqarpugut, atuakkiortullu anaanami allallu iggarissut iganermut ilitsersuusiaanik katersisimavoq. Atuagaq Nina Spore Kreutzmannimit kusanarluinnartunik immikkuullarissunillu titartagalersorneqarsimavoq, Ninallu aamma atuagaq ilusilersugaraa. Nerisassiat pissanganartut ilaattut taaneqarsinnaapput: Ammassaat appelsinalimmik seernartulikkat, eqaluk citronilimmik seernartuligaq, kapisiliup nerpianik frikadeliliat, suluppaagaq kokosilik, nataarnaq uutaq flødespinatilik, qalerallip avalerai seernartulikkat, raajat hvidløgilikkat, nipisaat suaat hvidløgilimmik dressingillit, mitit vindruallit, aqissit immikkat, appap tinguinik tinguaraliaq tuttup neqaa gravadiliaq, tuttup neqaanik daubeliaq, puisip kujaa siataq, arferup neqaa iffiorfikkut siataq, mattak seernartuligaq, kuanninik marmeladeliaq, ruuat simersiaq, tullerunnat iginnlikkat, tikiusaanik geléliaq, paarnanik fromagealiaq, kimmernanik kinguleqqiusiaq. Takanna !