PIVIUSUMIK TUNNGAVILIK.
AQQUTIMA SANGUTINNEQARNERA.
Danskit naalagaaffiata peqqussutaanik Kalaallit Nunaanni 1960-70-kkut ingerlaneranni arnat naartuisinnaasut ilisimateqqaarnagit spiralilersorneqarsimapput, soorunami arnarpassuit naartusinnaajunnaarnerannik tamanna kinguneqarpoq.
I.P. Nuka inuusuttunnguunermini aamma spiralilerneqarsimasunut ilaavoq naartusinnaajunaarlunilu, anaanaarusunnerminik annaasaqarnini atuakkami attortinnartumik oqaluttuaraa.
Matuli matugaanat alla ammarqqissinnaavoq, I.P. Nuka Colombiamut uinilu aallarput meerannguanillu marlunnik meeravissiartaarlutik. Misigisaq nunani kulturimilu allarluinnarmiilluni meerartaarneq pilluarnermik misigisanillu allarluinnarnik imaqartoq atuakkami ullorsiutinik allattarnermigut nuannersumik pissanganartumillu oqaluttuaraa.
I.P. Nuka ima Taalliorpoq:
"Inngiliutinnguara, uummatinniittuaannarputit, uggorisaqaakkillu inunngornissaraluannut ajoquserneqarsimagama, takorluuisaqaanga ilinnut anaanaasussaasimagaluarlunga annaasimagakkit.
Isumakkeerfiginnga.
Ajoqusiisut isumakkeerfigikkit, nunarsuarmi inuttut pisinnaatitaaffiiaasut Isumakkeerfigikkit iliuutsitik nalummatigit, naluaat qanoq atsigisumik arsaarinnillutik. Uggorisaqaarali pinngorqqusaasimannginnavit, kamannareqaara, aliasuutigeqaaralu. Toqussara tikillugu uggorissavakkit, qitornassannguaraluara inunngorqqusaanngitsoq"