Atuakkamik matuminnga tigusisutit, ajunngitsunik tamanik kissaappakkit.
Nappaat inummut tiguaasutullusooq ikkaangat eqqarsaatini initunerpaanngorsinnaasarpoq, taamatuttaaq ernummatit, annilaanganerit, aliasorujussuarneq misigissutsillu allat sakkortusinnaasut atuutilersinnaasarlutik.
Inuulli sananeqaataaniippoq nukik qamani ittoq allanit innarleqarsinnaanngitsoq aammalu iliuuseqarsinnaaneq allanit tiguneqarsinnaanngitsoq.
Nukik taanna atorlugu nappaammik taassumalu atugassarititaanik aqqusaagaqarnermi imminut qanoq timikkut tarnikkullu paarinissaq matumani isumassarsiorfigineqarsinnaasutut allaaserineqarput.