ULLAAKKUT ITERNERMI INUUNERMIK NUTAAMIK TUNINEQAQQITTARPUGUT.
uLLORMUT IMMINUT ISUMAGINISSAMUT
ILEQQUNIK PITSAASUNIK PILERSITSIGIT.
ULLAAKKUT ITERNERMI INUUNERMIK NUTAAMIK TUNINEQAQQITTARPUGUT. ULLORMUT IMMINUT ISUMAGINISSAMUT ILEQQUNIK PITSAASUNIK PILERSITSIGIT.
ASASARA UUMINNGA ATUARTOQ.
QUJANAQ IMMINUT ISUMAGINISSAT TOQQARSIMAGAKKU. QUJANAQ IMMINUT AJUNNGITSUMIK PINISSAT TOQQARAKKU. TIMIT AJUNNGITSUMIK PERUSUKKAKKU EQQARSAATILLU PITSAANERUSUT ILINNUT TAPERSERSUISUT INITUTINNERORUSUKKAKKIT.
MASSAKKUT KILLIFFIIT IMMIKKUULLRIPPOQ. ILLIMMI NAMMINEERLUTIT ILUKKUT QAMUUNARPIAQ QANOQ INNERIT AKISUSSAAFFIGIVAT. ALLORIAQQINNISSAMULLU PIAREERSIMAVUTIT.
AVATANGIISEQ QANORLUUNNIIT IKKALUARPAT QAMUUNA EQQISSINEQ TOQQARTUAANNARSINNAAVAT. NUKISSAQ NAAMMATTOQ PIGEREERPAT. IMMINULLU QAJASSUUNNISSAT, AJUNNGITSUMIK PINISSAT IPERAASARNISSALLU PIAREERSIMAFFIGAATIT.
QUPPERNERNI TAMANI INGERLAAQATIGISSAVAKKIT. ULLORMUT QUPPERNEQ ATAAEQ IMMERSORTARSINNAAVAT, IMALT. PISARIAQARTITSINERIT MALILLUGU IMMERSUISARSINNAAVUTIT.
IMMERSUEREERNERIT TAMAASA ALLAFFISSAMIK TAMATIGUT PEQARTARPOQ. TASSUNGA EQQARSAATITIT, MISIGISSUTSITIT IPERARUSUTATILLUUNNIIT ALLATTORTARSINNAAVATIT IMALT. AAMMA TAKORLUUKKATIT ANGUNIAKKATILLU PILLUGIT ALLASSINNAALLUTIT.
TAMANIK AJUNNGINNERPAANIK KISSAAPPAKKIT INGERLALLUARNALU.
ASANNITTUMIK
KATTI