ATUARTAGASSIAT
Isummersuutissiat
Atuagaq "Atuartagassiat" inuttut kristumiutullu isummersortaaseqarluni ulluinnani inuunermi atuassallugu tigullattaagassatut saqqummiuppara.
Atuagaq taamaattoq inuianni kalaallini ilagiittut ingerlavimmi amigaataasoq Jonathan Motzfeldt inuugallarmalli ataasiarata pilersitassaqqigalugu eqqartortarsimavarput, kingullermillu uanga uummatinnik Sanami uninngallunga Danmarkimukartussanngortunga pulaaraminga ugguarluta atuakkamik pilersitsisinnaannginnerput eqqartorsimavarput oqaluta: Tassa maannamut uagut ulapinnersuarmik ilagiinnut atuartagassannguamik inuunermut tunngasumik tamatigoortumik suliaqanngitsuulerpugut.
Oqaluqatigiinneq taamani pisoq maani eqqaasara inuunitta sivisujunnartup piviussusiani oqaloqatigiinneruvoq. Jonathan Motzfeldt DAnmarkimili teologiimik atuarnitsinni kammagiligara qanganngoreerpoq, maannalu uanga utoqqarsuanngorninni atuagaq piffissaqartigalugu naammassisukassaavara.
- Magnus Larsen