Ukiut 4.500-t matuma siornagut Candap Kalaallit Nunaatalu avannarpiaaniippugut. Akiniaalluni toqutsinerup kingorna inuit arlallit ataatsimoortut, kangimut nunamut ilisimaneqanngitsumut ingerlaarput. Kisianni sikkorlummat piniagassaqaranilu, angalanertik iluatsinngitsoorpaat. Taamaallaat nukappiaraq nanoq allallu arlaqanngitsut aniguipput.
Nannu nuna ilismaneqanngitsoq taanna puigorsinnaanngilaa, inersimasunngorlunilu piniartorsuanngorami, ilaqutariit arlallit ilagalugit, Kalaallit Nunaannut ikaarpoq. Tamanna, nunarsuarmi nuna avannarlerpaaq, paasisassarsiorfigaat, umimmanniarlutik naggataagullu nunassiffigalugu. Nunakaajallallugu ilisimaneqalerporlusooq, nannup naggueqatai Independence-kulturimeersut, nunarput avannaqqullugu ingerlaartut, inunnik saqqa-kulturimeersunik, nuna kujaqqullugu ingerlaartunik naapitsimmata.
"Tutineq siulleq" kalaallip titartaasartup eqqumiitsuliortullu Nuka K. Godtfredsenip aamma itsarnisarsiuut arlallit sila-meersut - Danmarkimi katersugaasivissuup Kalaallit Nunaannik ilisimatusarnermik ingerlatsivianneersut - qanittumik suleqatigiinnerisigut piviusunngortinneqarpoq.