Ulloq taanna nittaallat masattut nakkaaffianni - nipaalliffimmi - Annap, Annaliattap aanaava, tusaasani allagigaluarlugit eqqaamaniarpai.
Nittaallat isiginiarlugit ikiarsisutillusooq taartup qaamasup iluani inunnik marlunnik isiginnaagalerpoq. Taaku erserarneqartutut ersarissereersut sooq pinerpoq Annap isini matuai.
Sequnngerpoq. Sequnngersinneqartutut misigivoq.
Sequnngeraangatta tusaasinnaanerput eqqarsaatitsigullu isiginnaarsinnaasavut sakkortutsittarmata, aamma Anna taama pineqarluni misigivoq.
Tusaalikkaminut tunniuttiinnarpoq.