"Taseq, alliartorpoq, Gudska, angerlaqqittariaqarputit", Nina Kreutzmann Jørgensen saqqummersitamini, atuakkiornissaminullu isumassarsiffigisamini erinarsorpoq. Gudska savalimmiormioq arnani quliusuni oqaluttuaaqqani oqaluttuarineqartut ilaat uani erinarsuutigaa. Kalaallit Nunaanni, Islandimi, Savalimmiuni Danmarkimilu najugaqarput - tamarmik immikkut ulluinnarni ajornartorsiuteqalaarput, unamminartunik nalaataqartarput, kiinarpaqarput takorluugaqarlutillu.
Avannersumut sassarpoq, Nina Kreutzmann Jørgensenip eqqumiitsuliortut Nunani Avannarlerneersut arlallit suleqatigalugit pilersissimasaa, taallanik, oqaluttualiaaqqanik assilialiannillu imaqarpoq.